درسي نصاب

د اصلي مضمونونو لکه فزیک، کیمیا، بیولوژي، ریاضي او کمپیوټر ساینس لپاره د اکسفورډ د زده کړو لړۍ تعقیبېږي او د ملي نصاب ترڅنګ زده کوونکو ته د OUP (د اکسفورډ پوهنتون خپرندویه) کتابونه برابرېږي. ناسمه به نه وي که ووایو د SLAPHS نصاب د عصري زده کړې او زموږ د ملي نصاب ښه ترکیب دی، چې په دې توګه د ځایي چاپېریال اړتیاوې، په شمول د ټولنیزو، اخلاقي، کلتوري او دیني اړخونو، پوره کوي.

زموږ په راتلونکو پلانونو کې، د SLAPHS زده کوونکي به د GCSE (کېمبرېج نړیوال) ازموینه ورکړي چې د OUP – د اکسفورډ پوهنتون خپرندویې تر څارنې لاندې د برټش کونسل له لارې ترسره کېږي. دا به په نړیواله کچه زده کوونکو ته بې شمېره فرصتونه پرانیزي، ځکه چې نړیوال اعتبار لري.